“Ziya Bünyadov prospektində tıxacın yaranmasının səbəbi yol infrastrukturunun vaxtında düzgün qurulmamasıdır”.

Bunu Valyuta.az-a açıqlamasında nəqliyyat eksperti Eldəniz Cəfərov “Dərnəgül” tikinti materialları bazarının köçürülməsindən danışarkən deyib. 

Ekspert bildirib ki, Ziya Bünyadov prospekti istiqamətində tunellər tələb olunan standartlara cavab vermir:

“Yollar gah daralır, gah da genişlənir. “Dərnəgül” bazarı köçürülsə belə həmin prospektdə yaranan tıxacları aradan qaldırmaq mümkün olmayacaq. Sıxlığın səbəbləri hər kəsə məlumdur, bu ancaq yolun özü ilə əlaqədardır. Ziya Bünyadov prospektində tıxac harda ki, yol ötürücüləri, körpülər, tunellər standartlara uyğun tikilməyən ərazilərdə yaranır”. 

Eldəniz Cəfərov hesab edir ki, “Dərnəgül” bazarı Ziya Bünyadov prospektinə hər hansı bir aidiyyatı yoxdur:

“Ziya Bünyadov prospektinə baxanda biz görürük ki, axın “20 yanvar” metrostansiyası ərazisindən “Koroğlu” metrostansiyasi istiqamətinə doğrudur. Problem də o ərazilərdən qaynaqlanır”.
 
Aylin