Çin Rusiyanı "Boeing" və "Airbus" təyyarələrinə rəqib kimi 2017-ci ildən hazırlanmaqda olan CR929 sərnişin təyyarəsi layihəsindən kənarlaşdırıb. 

Valyuta.az xəbər verir ki, bu barədə "The Air Current" yazıb.

Belə ki, Fransanın Le Burje şəhərində keçirilən beynəlxalq aviaşousunda Çin 280 sərnişini qəbul edə biləcək gələcək uzun məsafəli təyyarəyə ayrıca stend ayırıb. Eyni zamanda, layihə Çinin özünün inkişafı kimi təqdim edilib - Rusiyanın adını çəkmədən.

Gələcək layner CR-nin abbreviaturasının belə iki ölkə arasında birgə işin simvolu kimi düşünülmüş olması da diqqət çəkir. “C” hərfi “Çin”i, “R” hərfi isə “Rusiya”nı ifadə edirdi.

Hətta keçən il S"outh China Morning Post" bu layihə ilə bağlı Çin və Rusiya arasında fikir ayrılıqlarının getdikcə artdığını yazmışdı. Çinlilər rusların layihənin onlara məxsus hissəsinin - füzelajın yaradılmasının həyata keçirilməsində gecikmələrindən narazı idilər. Çinlilərin laynerlə bağlı işlərə Qərb şirkətlərini cəlb etmək istəməsi rusların xoşuna gəlmirdi.

"Pekin CR-929 sərnişin təyyarəsinin Qərbin uçuşa yararlılıq standartlarına cavab verəcəyinə ümid edir. Geniş gövdəli təyyarə ABŞ və Avropaya uçuşlar üçün nəzərdə tutulub, ona görə də Avropa və Amerika istehsalçıları ilə sifarişləri bölməklə bəzi əsas komponentləri seçmək daha yaxşı olardı. Rusiya tərəfi Pekinin Rusiyanın Ukraynaya təcavüzündən sonra qlobal sanksiyalar fonunda Qərbin ağ bayrağının nümayişi kimi Qərb komponentlərindən istifadə etmək qərarını yüksək qiymətləndirir”, deyə nəşr o zaman məlumatlı mənbəyə istinadən yazıb.

Paşa Məmmədli