Xəbər verdiyimiz kimi, ötən gün AZAL-ın Naxçıvandan Bakıya uçan təyyarəsində həyəcanlı anlar yaşanıb. Təyyarənin salonunda oksigen maskaları açılıb.  

Valyuta.az xəbər verir ki, sosial şəbəkələrdə həmin anların görüntüləri yayılıb.

Qeyd edək ki, ötən gün “Azərbaycan Hava Yolları" hadisə ilə bağlı rəsmi açıqlama yaymışdı. Məlumatda qeyd olunurdu ki, aviaşirkətin Naxçıvan-Bakı reysi (J2-256) üzrə uçan təyyarəsinin göyərtəsində salonun hermetikliyinin pozulmasını göstərən sensorun işə düşməsi nəticəsində oksigen maskaları açılıb.

Məlumata görə, təyyarə yerli vaxt ilə saat 20:01-də ştat rejimində Heydər Əliyev Beynəlxalq Hava Limanına uğurla eniş edib.