Azərbaycanın beynəlxalq turizm mərkəzlərindən olan və unikal tərkibli müalicəvi neftinə görə məşhur olan Naftalanda şəhər infrastrukturunun inkişafı üçün yeni-yeni layihələrin icrası davam etdirilir.

Valyuta.az AZƏRTAC-a istinadən xəbər verir ki, şəhər sakinlərinin, yerli və xarici turistlərin rahatlığının təmin olunması, eləcə də velosiped həvəskarlarının daha rahat hərəkəti üçün şəhərdə 7 kilometrə yaxın velosiped zolağı çəkilib.

Hazırda şəhərdə Dövlət Turizm Agentliyi və Azərbaycan Turizm Bürosu tərəfindən turistlər üçün yeni istiqamətverici turizm məlumat və ərazi göstərici nişanları quraşdırılır.