“Zaqatala hava limanının hər şeyi - müdiri, bağbanı, işçiləri və s. var, təkcə təyyarəsi yoxdur”.

Valyuta.az-ın APA-ya istinadən verdiyi xəbərə görə, bunu Milli Məclisin bu gün keçirilən iclasında deputat Elşən Musayev deyib.

O bildirib ki, insanları təyyarə üzünə həsrət qoymaq olmaz: 

“AzAL qiymətləri azaltmalıdır. Biletlərlə insanların cibinə girmək olmaz. Bu qurumun adı belə bunu tələb edir – Az al. Bundan əvvəlki iclasda həmkarım Qənirə Paşayeva da bu məsələni gündəmə gətirmişdi”.