AZAL və “Buta Airways” tərəfindən yerinə yetirilən reyslərdə əl yükünün daşınması ilə bağlı yeni qaydalar açıqlanıb.

Valyuta.az xəbər verir ki, AZAL bu barədə Azərbaycana giriş-çıxış qaydaları barədə məlumat yayıb.

Bildirir ki, Azərbaycanın milli aviadaşıyıcısı AZAL və “Buta Airways” aşağıbüdcəli aviaşirkəti pandemiyadan əvvəl qüvvədə olan əl yükünün daşınması qaydalarını bərpa edir. 

Vurğulanır ki, "Azərbaycan Hava Yolları"nın reyslərində 10 kq-a qədər çəkidə əl yükünün daşınmasına yenidən icazə verilir. 

“Buta Airways” reyslərində sərnişin, daşınmasına icazə verilən əl yükü əşyalarına əlavə olaraq, ödənişsiz əl yükü qismində istənilən əşya (bel çantası, idman çantası və s.) götürə bilər (ölçülər üç ölçünün cəmi üzrə 75 sm-dən çox olmamalıdır - 30x35x10 sm).