Hazırda "Bakı Metropoliteni" QSC-nin bu il ölkəyə gətirməyi planlaşdırdığı 4 yeni qatar və yaxud 20 yeni vaqon Rusiyada istehsal olunmaqdadır.

Valyuta.az xəbər verir ki, bunu jurnalistlərə açıqlamasında qurumun mətbuat xidmətinin rəhbəri Bəxtiyar Məmmədov bildirib.

Onun sözlərinə görə, həmin qatarlar Azərbaycana gətirildikdən sonra metronun balansında olan qatarların sayı 19-a çatacaq.

B.Məmmmədov, qatarlar planlaşdırıldığı kimi, ilin II yarısında Bakıya gətiriləcəyini bildirib: 

“Qatarlar tənzimləmə-sazlama və sınaq işlərindən sonra xəttə buraxılacaq. Hazırda 15 qatar və yaxud 75 yeni vaqonumuz var. Onlardan 3-ü “İçəri Şəhər” – “Həzi Aslanov”, 12-si isə “Dərnəgül” - Həzi Aslanov istiqamətində işləyir. Bütün qatarlar saz vəziyyətdədir. Bildiyiniz kimi, bu il yerli şəraitdə belə qatarlardan birində əsaslı təmir həyata keçirmişik. Həmin işlər martda başa çatdırılıb. Yalnız müvafiq təlimata uyğun olaraq texniki baxış, qulluq və xidmət üçün qatarlar depoya göndərilir”.