“Artıq Zəngəzur dəhlizinin açılması 3 ölkənin birgə bəyənatının məğzi olması ilə yanaşı həm də zamanın tələbidir”. 

Valyuta.az xəbər verir ki, bunu Milli Məclisin Səhiyyə komitəsinin sədri, akademik Əhliman Əmiraslanov mətbuata açıqlamasında bildirib. 

Azərbaycanın 44 günlük Vətən müharibəsindəki zəfərindən sonra regionda yeni reallıqlar yaratdığını deyən deputatın sözlərinə görə, bu baxımdan “Dəmir yumruğ”u yenidən başları üzərində görməmələri üçün indiki halda Ermənistan yeni vəziyyəti, real imkanları, qüvvələr nisbətini düzgün qiymətləndirməlidir:

“Ancaq təssüf ki, Ermənistan bütün bu humanist addımların qarşısında öz bədnam xislətindən əl çəkə bilmir. Onlar dərk etmirlər ki, bu layihələrin reallaşması bütün region, o cümlədən Ermənistanın özü üçün böyük divident gətirə bilər. Bu gün nəqliyyat kommunikasiyalarının açılması, qarşılıqlı dialoq, etimad mühitinin formalaşması regional və beynəlxalq siyasətin əsas aspektlərindəndir”.