“Google Xəritələr” aplikasiyası “ekologiya dostu xəritəsi” adlı layihəsini həyata keçirəcəyini açıqlayıb. 

Valyuta.Az bbc.com-a istinadən xəbər verir ki, sözügüdən xəritədəki marşrutlar əsasən ümumi trafik məlumatlarından istifadə edərək sürücülərin daha az karbon enerjisi sərf edəcəkləri yöndə səyahət etmələrinə yardımçı olacaq. 

Alternativ marşrutların sayı birdən çox olduqda, “Google” seçimlər təklif edəcək və istifadəçilərə təklif edilən marşrutları müqayisə etməyə imkan yaradacaq.

“Google”-ın məhsul direktoru Russell Dicker bildirib ki, tətbiq olunacaq bu yenilikdə əsas məqsəd, sürücülərin daha uzun yol qət etmələri ilə havaya normadan artıq karbon qazının buraxilmasını məhdudlaşdırmaq və ekoloji cəhətdən daha təmiz mühit formalaşdırmaqdır.”. 

Qeyd edək ki, sözügedən layihə ilk dəfə ABŞ-da tətbiq olunacaq.

Kamran Xəlil