Hazırda olduqca məşhur markalardan biri olan “LC Waikiki”nin bu günə necə gəldiyini maraq doğurur. Hər yaşdan və hər tərzdən insana müraciət etmək böyük bir uğurdur. “Yaxşı geyinmək hər kəsin haqqıdır” şüarı ilə yaddaşlara həkk olunan və hər kəsin alış-veriş edə biləcəyi qiymət aralığına sahib olan “LC Waikiki” çox çətin yollardan keçib.

Valyuta.az “LC Waikiki” yaranması və keçdiyi yol haqqında məlumatları təqdim edir.

Hekayə 1988-ci ildə Fransanın paytaxtı Parisdə başlayır.

O vaxtlar ortaqlardan George Amoual hələ yeni bitirdiyi dizayn məktəbindən sonra bir idman geyimi firmasında çalışır. Digər ortağı Serge Kraif isə turizm sahəsində fəaliyyət göstərir. Eyni həvəskar futbol komandasına aid olmaları nəticəsində yaranan dostluqları, qısa müddət sonra iş ortaqlığına çevrilir.

1988-ci ildə 50 min Fransız frangı kapital ilə “LC Waikiki” şirkəti qurulur.

Şirkət adını Azərbaycanca qarşılığı “Dostlar” mənasını verən “Les Copains” sözlərinin baş hərflərindən və Hawaii-dəki Waikiki çimərliyinin adından alır. “LC Waikiki” başlanğıcda əsasən “t-shirt” və “sweatshirt” dizaynları hazırlayır. Loqosunda isə uşaqların diqqətini çəkə biləcək sevimli bir meymun şəkili yerləşdirir. Bu sevimli loqo, məqsədinə də çatır. Hindistan, Koreya və Yunanıstan kimi ölkələrə toplu sifarişlər göndərilir. “LC Waikiki” Parisdə böyüməyə davam edərkən bu vaxtda İstanbulda xarici ticarətlə məşğul olan Mustafa Küçük digər ortaqları ilə “Taha Tekstil”in qurulmasına başlayır. “Taha Tekstil” tikiş və kəsim atelyesi olaraq qurulur.

Bazar axtarışları zamanı isə “Taha Tekstil” və “LC Waikiki”nin yolları kəsişir.

Bu qarşılaşma nəticəsində ilk sifariş 10 min ədəd meymun loqolu “t-shirtlər” olur. Zamanla “LC Waikiki”nin “Taha Tekstil”in keyfiyyətinə etibarı nəticəsində istehsal etdirdiyi digər ölkələrlə olan müqaviləsini ləğv edib istehsalını tamamilə Türkiyəyə keçirmə qərarı alır.

“Yaxşı geyinmək hər kəsin haqqıdır!” şüarı ilə yola çıxan “LC Waikiki” Türkiyə üzrə mağaza açılışlarına başlayır. 2000-ci ildə hədəf kütləsi uşaqlardan əlavə, modanı izləyən gənclərə də yönəlir və “X-Side” markasının satışları başlayır.

46 ölkədə 900-dən çox mağaza

2009-cu ildə xarici bazarlara açılma qərarı alınır və ilk xarici mağaza Rumıniyada açılır. Ardınca əvvəlcə Avropada, sonra isə Avropadan kənarda mağazalar açılmağa başlayır. Təxminən 46 ölkədə 900-dən çox mağaza açılışı həyata keçirilir və markanın uğuru, sürətlə artaraq bu günə qədər davam edir.

Əvəz Həsənov