"Bitcoin"in qiyməti tarixi rekordu yeniləyərək 109,5 min dollardan yuxarı qalxıb. Bu göstərici kriptovalyutanın bütün zamanlar ərzində qeydə alınmış ən yüksək səviyyəsidir. 

"Binance" kriptovalyuta birjasının məlumatına əsasən, "Bitcoin" son sutka ərzində 3,63 faiz artım göstərərək 109 588 dollara çatıb. Bu artım bazarda yüksək aktivlik və investor marağının davam etməsi ilə əlaqələndirilir.

Xatırladaq ki, "Bitcoin" qiyməti bundan əvvəl 2024-cü ilin 17 dekabrında tarixi maksimumuna yaxınlaşaraq 108 353 dollara qədər yüksəlmişdi. Mütəxəssislər bildirirlər ki, bu dəfəki rekord qlobal iqtisadiyyatda artan kriptovalyuta tələbi və "Bitcoin" bazarına axın edən böyük həcmli investisiyalarla bağlıdır. 

Analitiklərin fikrincə, "Bitcoin"in dəyərinin daha da artacağı gözlənilir, lakin bazarın dəyişkənliyi səbəbindən mümkün risklər də istisna edilmir. 

Aydın