Kriptovalyuta analitik şirkəti "Alphractal" son hesabatında diqqətəlayiq bir modeli ortaya çıxarıb: Satoshi Nakamoto və digər şübhəli namizədlər üçün "Wikipedia" səhifələrinin baxış sayı artımları, adətən, "Bitcoin"in ("BTC") qiymət artımları ilə eyni dövrə təsadüf edir.  

Valyuta.Az-ın verdiyi xəbərə əsasən, hesabatda göstərilir ki, "BTC" qiymətinin artım dövrlərində, adətən, Satoshi Nakamoto ilə əlaqələndirilən Hal Finney, Nik Szabo və Dorian Nakamoto kimi şəxslərin "Wikipedia" səhifələrinə baxışlarda əhəmiyyətli artım müşahidə olunub.  

"Alphractal"ın analizi göstərir ki, Satoshi Nakamotonun rəsmi "Wikipedia" səhifəsinə baxışlar, "BTC" qiymətinin kəskin artdığı müəyyən dövrlərdə dramatik şəkildə çoxalıb. Maraqlıdır ki, ən diqqətəlayiq artımlar 2017-ci ilin oktyabrında, 2020-ci ilin oktyabrında və 2024-cü ilin oktyabrında baş verib ki, bu da "BTC" nin qiymət tarixində əsas dönüm nöqtələrinə təsadüf edir.  

Bu qəfil artımların zamanlaması təsadüfi olmaya bilər. "BTC"nin "whitepaper"i 31 oktyabr 2008-ci ildə dərc edilib və kriptovalyuta inqilabının başlanğıcını işarələyib. Hesabat iddia edir ki, oktyabr ayı "BTC" cəmiyyəti üçün simvolik rezonansa malikdir və bazar aktivləşdikcə Satoshi Nakamotonun kimliyinə maraq artır.  

Rəhim