"Coinmarketcap"da ilk 10 reytinqdə dəyişikliklər baş verib. 

Valyuta.az xəbər verir ki, "XRP" və "Solana" (SOL) əlamətdar bir performans göstərib, "Tether" və "BNB"ni geridə qoyub. 

"XRP" son günlərdə "Tether"i ötsə də, bu gün "Solana" bazar dəyərinə görə "BNB"ni ötüb.

Məlumatlara görə, "XRP"nin bazar dəyəri bu gün ən böyük stabilcoin "USDT"ni keçərək 138,98 milyard dollara yüksəlib. 

Bundan əlavə, "Solana"nın bazar dəyəri 101 milyard dollarlıq bazar dəyəri ilə "BNB"ni keçərək 103,9 milyard dollara çatıb.

"XRP"nin "USDT"ni ötməsi Avropa Birliyinin Kripto Aktiv Bazarları Tənzimləməsinin (MiCA) qüvvəyə minməsindən sonra "USDT"nin 1,6 milyard dollar azalması ilə üst-üstə düşüb. 

"USDT"dəki bu azalmaya baxmayaraq, "Tether" stabilcoin bazarında üstünlüyünü qoruyur.

Son dəyişikliklərə görə, "XRP" ən böyük kriptovalyutalar arasında 3-cü yerə yüksəldiyi halda, "Tether" (USDT) 4-cü yerə düşüb.

Bundan əlavə, "Solana" "Binance Coin"i (BNB) geridə qoyaraq 5-ci yerə yüksəlib, "BNB" isə 6-cı yerə düşüb.

Əvəz Həsənov