“Bitcoin” və kriptovalyutalara dəstəyi ilə tanınan “BlackRock”un baş direktoru Larri Fink yeni açıqlamalar verib.

Valyuta.az-ın verdiyi xəbərə görə, üçüncü rübün mənfəət hesabatı müzakirələri zamanı “Bitcoin” haqqında fikirlərini ifadə edən Fink “Bitcoin”in öz başına bir aktiv sinfi olduğunu və qızıl kimi mallara alternativ olaraq gördüyünü bildirib. 

O, “BTC”nin ABŞ-ın mənzil bazarı qədər böyük olacağını qeyd edib. Və “Bitcoin”in böyüməsi üçün noyabrın 5-də Donald Tramp və ya Kamala Harrisin qalib gəlməsinin fərqi olmadığını deyib.

Seçkilərin nəticələrindən asılı olmayaraq “Bitcoin” və kriptovalyutaların istifadəsinin artmağa davam edəcəyinə inanan Larri Fink, “BlackRock”un rəqəmsal aktivlər haqqında necə düşünmək və aktivləri necə bölüşdürmək barədə dünya üzrə qurumlarla məsləhətləşdiyini təsdiqləyib. 

Larri Fink, “Ethereum”un daha da inkişaf edəcəyini və onun blokçeyn rolunu da böyük ölçüdə genişləndirə biləcəyini düşünür.

Əvəz Həsənov