Ötən ilin yanvar-oktyabr aylarında Azərbaycana xarici ölkələrdən 149 ton toxumluq bərk buğda gətirilib.

Valyuta.az rəsmi məlumatlara istinadən xəbər verir ki, bu miqdarda məhsulun idxalına 103 min 160 ABŞ dolları (175 min 372 manat) vəsait xərclənib. İdxal olunan məhsulun bir kiloqramının orta qiyməti 69 sent (1 manat 17 qəpik) təşkil edib.

Azərbaycana toxumluq bərk buğda gətirilən ölkələr və alınan məhsulun qiymətləri ilə aşağıdakı cədvəldən tanış ola bilərsiniz:

Hesabat dövründə idxal olunan toxumluq yumşaq buğdanın, meslin və pərincin miqdarı 2 min 900 ton, dəyəri isə 1 milyon 606 min 790 ABŞ dolları (2 milyon 731 min 543 manat) təşkil edib. İdxal olunan məhsulun bir kiloqramının orta qiyməti 55 sent (94 qəpik) olub.

Azərbaycana toxumluq yumşaq buğda gətirilən ölkələr və alınan məhsulun qiymətləri ilə aşağıdakı cədvəldən tanış ola bilərsiniz:

Bununla yanaşı, ötən ilin ilk 10 ayında Azərbaycana xarici ölkələrdən 742 min 900 kiloqram miqdarında, 302 min 970 ABŞ dolları dəyərində (515 min 49 manat) toxumluq arpa idxal edilib. Alınan məhsulun bir kiloqramının orta qiyməti 40 sent (69 qəpik) təşkil edib.

Azərbaycana toxumluq arpa gətirilən ölkələr və alınan məhsulun qiymətləri ilə aşağıdakı cədvəldən tanış ola bilərsiniz:

Həmçinin, bəhs olunan dövrdə xaricdən 1 144 ton toxumluq qarğıdalı alınıb. Bu məhsulun idxalına çəkilən xərcin həcmi 6 milyon 569 min 730 ABŞ dolları (11 milyon 168 min 541 manat) olub. Alınan toxumluq qarğıdalının bir kiloqramının orta qiyməti 4,54 ABŞ dolları (7 manat 73 qəpik) təşkil edib.

Azərbaycana toxumluq qarğıdalı gətirilən ölkələr və alınan məhsulun qiymətləri ilə aşağıdakı cədvəldən tanış ola bilərsiniz:

Əvəz Həsənov