“CPM-İnvest İnvestisiya Şirkəti”nin 2023-cü ilin yanvar-sentyabr aylarında “Bakı Fond Birjası”da (BFB) apardığı əməliyyatların həcmi 2500 əqd üzrə 3 mlrd. 310  mln. manat təşkil edib. 

 Valyuta.az-ın hesablamasına görə, investisiya şirkətinin birja əməliyyatları son bir ildə  4% və ya 135,2 milyon manat azalıb. Belə ki, 2022-ci ilin ilk doqquz ayında "CPM-İnvest”in  dövriyyəsi 3 mlrd. 445 mln. manat təşkil edib. 

Qeyd edək ki, İnvestisiya şirkətinin birja əməliyyatlarının 2 mlrd. 517,8 mln. manatı repo, 667,8 mln. manatı dövlət qiymətli kağızlarının, 109,5 mln. manatı Mərkəzi Bankın istiqrazlarının, 13,76 mln. manatı korporativ istiqrazların və 1,5 mln. manatı isə səhmlərin payına düşüb.

Mahir