"PSG Kapital İnvestisiya Şirkəti"nin 2023-cü ilin yanvar-sentyabr aylarında “Bakı Fond Birjası”da (BFB) apardığı əməliyyatların həcmi 1061 əqd üzrə 95,9 milyon manat təşkil edib. 

 Valyuta.az-ın hesablamasına görə, investisiya şirkətinin birja əməliyyatları son bir ildə 25,2% və ya 32,2 milyon manat azalıb. Belə ki, 2022-ci ilin ilk doqquz ayında "PSG Kapital”ın dövriyyəsi 128,1 milyon manat təşkil edib. 

İnvestisiya şirkətinin birja əməliyyatlarının 4,1 milyon manatı repo, 22,06 milyon manatı dövlət qiymətli kağızlarının, 43,66 milyon manatı Mərkəzi Bankın istiqrazlarının, 25,79 milyon manatı korporativ istiqrazların və  275,26 min manatı isə səhmlərin payına düşüb. 

Xatırladaq ki, “PSG-Kapital” 2012-ci ildə yaradılıb. Onun nizamnamə kapitalı 6,25 milyon manatdır. İnvestisiya şirkətinin səhmdarı 100% Faiq Məmmədovdur ("PSG Finans" MMC bank olmayan kredit təşkilatının 12,5%-lik təsisçisi).

Mahir