Bir villanın mərtəbələrini ayrı şəxslərə satmaq mümkündür? (ŞƏRH)
Bir neçə mərtəbədən ibarət olan villanı ayrı-ayrı şəxslərə satmaq olar. Amma həmin mərtəbələrin ayrı-ayrı şəxslərə aid olması üçün hər birinə ayrı çıxarış veriləməlidir:
Bu sözləri Valyuta.az-a əmlak məsələləri üzrə ekspert Elnur Fərzəliyev “bir şəxs vilasının hər mərtəbəsini ayrı-ayrı şəxslərə sata bilərmi” sualına cavab verərkən deyib.
Elnur Fərzəliyev deyib ki, bundan əlavə binanın ümumi girişi və hər mərtəbədəki evin girişi ayrı olmalıdır:
“Yəni həmin çıxarışların bir başa şəxslərin adına olması üçün təxmini çox mərtəbəli binalardakı kimi olmalıdır. Hissələri, hər mərtəbəni bir adama satmaq mümkündür. Lakin burda paylı mülkiyyət olanda bir giriş olur. Yəni birinci mərtəbədə yaşayan şəxsin çıxarışında ikinci, üçüncü mərtəbədə yaşayan şəxsin adları, onlara aid hissələr yazılır. Girişləri ayrı-olanda isə bir-birinə aid olmayan ayrı-ayrı çıxarışlar olur”.
Elnur Fərzəliyev deyib ki, qanunvericiliyimizə uyğun olaraq əmlakı paylı mülkiyyətə bölmək mümkündür:
“Bu gün Bakının mərkəz ərazilərində həyət evləri var ki, onların bir girişi var, amma orda 8-10 həyət evi var. O evlərin böyük əksəriyyəti zamanında bir şəxsin adına olub, sonradan isə satılıb, ya övladlarının adına keçirilib. Övladları bir başqasına verib, ya satıb. Bir var paylı mülkiyyət, bu bir evə aid olur, bir də var bir həyətdə amma amma ayrı-ayrı şəxslərin adına olan sənədlə mülkiyyət. Bu hətta bina evlərində də mümkündür. Adamın məsələn, 3-4 otaqlı evi var. Həmin şəxs bu evi vaxtında övladları arasında paylı mülkiyyət kimi bölür. Hər birinə çıxarış alır, evi uşaqları arasında bölür. Bu bizdə daha çox aşağıdakı hallarda baş verir. Tutaq ki, valideyn rəhmətə gedir, ondan qalan əmlak vərəsəlik yolu ilə övladlarına ötürülür. Ya bu əmlak bir nəfərin adına, ya da paylı mülkiyyətlə bir neçə övladına ötürülür. Paylı mülkiyyətdə isə hər övladın adına ayrı-ayrı çıxarış olur. Bəzən bu mülkü satıb pulunu götürürlər. Lakin son illər belə mülkləri satmırlar. Daha çox gözləyirlər ki, evlər plana düşəndə, söküləndə hər birinə ayrı-ayrı ev alsınlar. Mövzudan kənar, amma mövzuya həm də uyğun bir haşiyəyə çıxım. Bəzən söküləcək ərazilərdə ər və arvad sadəcə sənəd üzərində boşanırlar, evi bölürlər. Bir hissə ərin, bir hissə isə arvadın olur. Bəzən hətta 3 hissəyə olmaqla övladın da adına bölürlər. Onlar düşünür ki, sabah söküntü olarsa, hər biri ayrı-ayrılıqda ev ala bilsin . Təbbi ki, qanunun tələbi çox fərqlidir. Bu cür hallarda, yəni 2-3 ev almaq istəyən şəxslərə kompensasiya verilir. Amma əvvəlki illərdə hər biri ayrılıqda ev ala bilirdi”.
Davud
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay