Oktyabrın 1-dən qüvvəyə minən yeni qaydalara əsasən, Azərbaycanda icazəsiz tikilən obyektlərin su təchizatı və kanalizasiya şəbəkəsinə, elektrik şəbəkəsinə və qaz şəbəkəsinə qanunsuz qoşulması ilə bağlı cəzalar sərtləşdirilir. Eyni zamanda, Cinayət Məcəlləsinə edilən dəyişikliyə əsasən, tələblərin pozulmasına görə təbii qaz, su, kanalizasiya, elektrik və ya istilik enerjisi təchizatı müəssisələrinin vəzifəli şəxslərinin məsuliyyəti də nəzərdə tutulur.

Görəsən bu yeni qaydalar qanunsuz tikililərin qarşısını ala biləcəkmi?

NBA Konsaltinq Şirkətinin rəhbəri Nüsrət İbrahimov Valyuta.az-a açıqlamasında bildirib ki, qüvvəyə minən yeni qaydalar sənədsiz evlərin sənədləşdirilməsinə gətirib çıxaracaq:

“Yeni qaydalar ilk zamanlarda olmasa da, tədricən qanunsuz tikililərin qarşısını almaqda mühüm rol oynayacaq. Bu yeni qaydalar qanunsuz tikintilərə son qoyacaq. Həmin addım ölkədə sənədsiz fərdi yaşayış evlərinin sənədləşməsi prosesinə nəhayət start veriləcəyinin göstəricisidir. Görünən odur ki, ölkədə buna hazırlıq prosesi gedir. Cari ilin iyunun 1-nə qədər tikilən və istismarda olan, şəhərsalma qaydalarına cavab verən, təhlükə mənbəyi olmayan fərdi yaşayış evləri sənədləşdiriləcək. Yəqin ki, ona hazırlıq işləri aparılır”. 

Ramiz