Səfər Mehdiyevin Avstriya və Sloveniyada milyonluq otelləri aşkarlandı (ADLAR/FOTO)

İnşaat və əmlak

08.08.2022 / 15:12

Səfər Mehdiyevin Avstriya və Sloveniyada milyonluq otelləri aşkarlandı (ADLAR/FOTO)

23471

Dövlət Gömrük Komitəsinin sabiq sədri Səfər Mehdiyevin Avstriya və Sloveniyada milyonluq otelləri aşkar olunub.

Kiçik araşdırm nəticəsində məlum olub ki, Səfər Mehdiyev hələ Dövlət Gömrük Komitəsi sədrinin birinci müavini, sonradan isə sədr vəzifəsində çalışarkən Balkan yarımadası və Alp dağları ətəklərindəki kurort ərazilərdə onlarla daşınmaz əmlak biznesinə milyonlarla sərmayə yatırıb.

Həmin illərdə Səfər Mehdiyev xüsusilə Avstriya, Sloveniya və Xorvatiyanın turizm bölgələrində otellər və istirahət mərkəzləri satın alıb.

Valyuta.az demokrat.az-a istinadən Səfər Mehdiyevin 2018-2019-cu illərdə Avropa ölkələrində aldığı əmlakların bir neçəsinin adlarını oxuculara təqdim edir:

Avstriyada göl kənarında "Feriendorf 1, 9181 Feistritz im Rosental" ünvanında yerləşən "Euro Parcs Rosental" adlı istirahət mərkəzi;

Sloveniyada "Triglavska cesta 17, Bohinjska Bistrica, 4264 Bohinj" ünvanında yerləşən dörd ulduzlu "Bohinj Eco Hotel" adlı otel.

Səfər Mehdiyev yuxarıda adları qeyd olunan otellərə 2018-2019-cu illərdə sahib olub.

Sabiq komitə rəisinin "Euro Parcs Rosental" otelini 8 milyon avroya, "Bohinj Eco Hotel" otelini isə 12 milyon avroya aldığı deyilir.

Səfər Mehdiyevin Avropada aldığı əmlakları təkcə Avstriya və Sloveniya ilə bitmir, onun İtaliya və Xorvatiyada da daşınmaz əmlaklara sahib olduğu barədə araşdırmalar aparırıq. Bununla bağlı növbəti materialımızda oxuculara məlumat veriləcək.

Məsələ ilə bağlı Səfər Mehdiyev saytın sorğusunu cavabsız qoyub.

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.