![](https://valyuta.az/file/articles/2024/07/19/1721371923_9115c750-0597-36d1-9aae-1ca01484554b_850.jpg)
AYNA: 11 fiziki və hüquqi şəxs taksi sifarişi operatorluğu üçün icazə alıb
Bu günə qədər Azərbaycanda 11 fiziki və hüquqi şəxs taksi sifarişi operatoru kimi fəaliyyət göstərmək üçün icazə alıb.
Valyuta.az xəbər verir ki, bunu Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) sədri Anar Rzayev sektorda qanunvericiliyin təkmilləşdirilməsinə dair keçirilən brifinqdə bildirib.
Bundan başqa, o qeyd edib ki, indiyə qədər taksi daşımaları üçün 9 001 buraxılış vəsiqəsi verilib ki, bunun da 8 954-nü fərdi sahibkarlar, 47-ni hüquqi şəxslər alıb.
"Həmçinin 11 854 nəqliyyat vasitəsinə buraxılış kartı verilib ki, bunun da 11 171-ni fərdi sahibkarlar, 683-nü hüquqi şəxslər alıb. Nəqliyyat vasitələrinin 8 367-nin (71 %-nin) istehsal tarixi 2009-2015-ci illər arasında, 3 487-nin (29%) istehsal tarixi isə 2016-2024-cü illər arasındadır.
25 084 nəfər təlimə cəlb olunub, bunlardan isə 23 434 nəfər təlimi bitirərək şəhadətnamə alıb”, - deyə sədr əlavə edib.
© Report
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay