“Bakıda sosial mənzillərə 10 minlərlə təlabat var”.

Bunu Valyuta.az-a iqtisadçı ekspert Natiq Cəfərli bildirib. Onun sözlərinə görə, Azərbaycanda sosial mənzillərlə bağlı problemin həlli asan görünmür:

“Çünki Bakı yüklənib. Alıcılar kimi təlabat da Bakı şəhərindədir. Bu da Bakının həddindən artıq yüklənməsinə gətirib çıxardır. Burada insanların günahı yoxdur. Bütün iqtisadi fürsətlər Bakıda cəmlənib. Sosial mənzil konsepsiyasının regionlara yaymaq lazımdır. İşğaldan azad olunan torpaqların məskunlaşması ilə bağlı gözəl fürsət yaranıb. Məsələn, Gəncənin milyonluq şəhərə çevirilməsi çox vacib məsələdir. Azərbaycan 10 milyonluq bir ölkədir, amma demək olar ki, bir Bakıdan ibarətdir”.

Ekspert deyir ki, sosial mənzillərin regionlara paylanılması, orada tikilməsi və asan, daha yüngül şərtlərlə əhaliyyə mənzillərin təqdim olunması tikinti işləri ilə bağlı, iş yerlərinin yaranmasına, iqtisadi canlanamaya səbəb ola bilər:

“Həm də Bakıdan kənara iqtisadi aktivliyin yayılmasına şərait yarana bilər. Buna görə inanmıram kimi Bakı şəhərində bu mümkün olsun. Hər il 700-800 mənzil satışa çıxarılır. Bütün insanların ehtiyacı ödənilməsi üçün 10 illər tələb olunur. Əhali də artır. Bunun üçün yeni proqramın hazırlanmasına ehtiyac yaranıb”.

Aylin