"Micron Technology Inc." qarşıdakı illərdə Sinqapurdakı istehsal gücünü genişləndirmək məqsədilə 7 milyard dollar sərmayə yatırmağı planlaşdırır.

Valyuta.Az xəbər verir ki, bu qəra, süni intellektin inkişafı ilə əlaqədar təkmilləşdirilmiş yaddaş çiplərinə tələbin artması fonunda verilib.  

ABŞ-nin bu texnologiya şirkəti, çərşənbə günü Sinqapurda yeni zavodun tikintisinə start verib. Zavodun 2026-cı ildə fəaliyyətə başlaması gözlənilir. Əsas məqsəd, süni intellekt məlumat mərkəzlərində istifadə edilən yüksək genişzolaqlı yaddaş çiplərinin qablaşdırılmasını təmin etməkdir. Layihə nəticəsində təxminən 1.400 yeni iş yeri açılacağı gözlənilir.  

"Micron", Cənub-Şərqi Asiyada fəaliyyətini genişləndirən bir çox texnologiya şirkətləri və çip istehsalçıları arasında mühüm yer tutur. Şirkət, Vaşinqton və Pekin arasındakı davam edən gərginliklərdən asılılığı azaltmaq üçün Çin və Tayvan sərhədlərindən kənarda yeni bazarlar araşdırır və əməliyyatlarını genişləndirir.  

Sektorun digər oyunçuları, məsələn, "NXP Semiconductors NV" və "Taiwan Semiconductor Manufacturing Co." kimi şirkətlər də Sinqapurda fəaliyyətlərini genişləndirərək 7,8 milyard dollarlıq wafer zavodunun tikintisini həyata keçirir.  

"Micron" tərəfindən verilən açıqlamada bildirilib ki, yeni zavod Sinqapurun yerli yarımkeçirici ekosistemini inkişaf etdirəcək və innovasiyaya təkan verəcək.  

Şirkət həmçinin Sinqapurdakı genişlənmə planlarının "NAND" yarımkeçiricilərinin uzunmüddətli istehsal tələblərini qarşılayacağını vurğulayıb. Bu yarımkeçiricilər məlumat mərkəzi kompüterlərindən tutmuş smartfonlara qədər müxtəlif qurğularda məlumatların saxlanılması üçün istifadə edilir.  

Rəhim