“Apple”-ın uzun müddətdir söz-söhbəti olan qatlana bilən “iPhone” modeli bir daha təxirə salınıb. Yeni tarix isə 2027-ci ilin birinci rübüdür.

Valyuta.az xarici mediaya istinadən xəbər verir ki, qatlana bilən smartfon bazarında rəqiblərindən bir az geri qalan “Apple” bu məsələdə səssiz qalır. “Apple”-ın bir neçə qatlana bilən telefon patenti aldığını və bu mövzuda çalışdığı haqqında məlumatlar var. Əslində, ABŞ şirkətinin birdən çox qatlana bilən “iPhone” prototipi üzərində işlədiyi iddia edilir.

Müvafiq olaraq, qatlana bilən “iPhone” modelinin buraxılış tarixi 2026-cı ilin son rübündən 2027-ci ilin birinci rübünə təxirə salınacaq. Qatlana bilən “iPhone” modelinin təxirə salınmasının ən böyük səbəbi hissə tədarükü problemləridir. “Apple” şirkətin standartlarına cavab verə bilən qatlanan ekranları tapmaqda ciddi problemlər yaşayır. Bu yaxınlarda başqa bir iddia isə “Apple”-ın qatlana bilən telefonların inkişafını tamamilə dayandırması idi. Bununla belə, şirkət yeni qatlanan displeyləri patentləşdirməyə davam edir.

Əvəz Həsənov