Fransada “Amazon”a işçilərinin həddindən artıq müdaxiləsinə görə 32 milyon avro cərimə kəsilib.

Valyuta.az xəbər verir ki, Fransa İnformasiya və Azadlıqlar üzrə Milli Komissiyasının (CNIL) açıqlamasında, “Amazon”da iş fasilələrini diqqətlə ölçən və işçilərin potensial olaraq hər bir fasiləyə haqq qazandırmaq məcburiyyətində qalmasına səbəb olan sistemin tətbiqinin qeyri-qanuniliyi irəli sürülüb. 

Komissiya işçilərin fəaliyyətlərini və performansını izləmək üçün həddindən artıq müdaxilə kimi xarakterizə etdiyi sözügedən sistemi quraşdırmaq üçün “Amazon.com Inc”i günahlandırıb. Bu səbəbdən şirkətə 32 milyon avro cərimə kəsildiyi və  işçilərin fəaliyyətini, həmçinin performansını izləyən skaner sisteminin ənənəvi monitorinq metodlarından fərqli olduğu vurğulanıb.

Açıqlamada komissiyanın sistem tərəfindən toplanan bütün məlumatların və işçilər üçün hazırlanmış statistik məlumatların 31 gün müddətində saxlanmasını həddindən artıq gördüyü, “Amazon” işçilərinin və ziyarətçilərin anbarlardakı videonəzarət haqqında kifayət qədər məlumatlandırılmadığı qeyd edilib.

“Amazon”un Fransadakı anbarlarında istifadə edilən sözügedən sistem, işçilərin müəyyən iş fəaliyyətləri arasında fasilələrinin nə qədər uzun olduğunu qeyd etmək üçün bir skanerdən yararlanır.

Elmir