Məşhur musiqi platforması "Spotify" xeyli işçini işdən çıxaracaq.

Valyuta.az xəbər verir ki, şirkət xərcləri azaltmaq üçün işçilərinin təxminən 17 faizini ixtisar edəcəyini açıqlayıb. "Reuters"in xəbərinə görə, bu, təxminən 1500 nəfərin şirkətdən ixtisar ediləcəyi anlamına gəlir. 

"Spotify" bu ilin yanvarında 600 işçisini işdən çıxarıb. İyun ayında isə daha 200 nəfər azad edilib. 

Texnologiya şirkətləri ilin əvvəlində "Amazon" və "Microsoft"a məxsus "LinkedIn" kimi bəzi şirkətlər işçi qüvvələrini ixtisar etməyə başlayıblar. "Spotify" CEO-su Daniel Ek işçilərinə yazdığı məktubda şirkətin 2020 və 2021-ci illərdə kapital xərclərinin aşağı olması səbəbindən daha çox işə götürüldüyünü açıqladı.

Şirkət üçüncü rübdə rəqəmsal musiqi xidmətlərindəki qiymətlərin, həmçinin bütün bölgələrdə abunəçi sayının artması ilə əlaqədar qazanc əldə edib və bayram rübündə aylıq dinləyici sayının 601 milyona çatacağını proqnozlaşdırır.

Elmir