Azərbaycan, Serbiya üçün təbii qaz təchizatında etibarlı tərəfdaşdır.

Trend xəbər verir ki, bu barədə Serbiya Prezidenti Aleksandar Vuçiç hökumətin iclasında məlumat verib.

Prezident Vuçiç bildirib ki, hazırda Serbiyadakı qaz istehlakı gündəlik 13,5-14,5 milyon kubmetr civarındadır. Eyni zamanda, Serbiya və Macarıstandakı yeraltı qaz anbarlarında ümumilikdə təxminən 430 milyon kubmetr qaz ehtiyatı mövcuddur.

Serbiya, Azərbaycan qazı ilə təchiz edilən 8-ci ölkə olub. Hal-hazırda Azərbaycan gündəlik 2,5 milyon kubmetrədək təbii qazı Serbiyaya ixrac edir.