“Azəri-Çıraq-Günəşli” və “Şahdəniz” yataqları istismara veriləndən 1 avqust 2024-cü il tarixinədək 641,4 milyon ton neft (kondensatla birlikdə), 449,5 milyard kubmetr qaz hasil edilib.

Valyuta.az Energetika Nazirliyinə istinadən xəbər verir ki, AÇG-dən 594,4 milyon ton neft, 224 milyard kubmetr qaz hasil olunub. 

Bildirilib ki, “Şahdəniz”dən isə 225,5 milyard kubmetr qaz, 47 milyon tona yaxın kondensat hasil edilib.

Məlumata görə, bu yataqlardan indiyə kimi təqribən 639,5 milyon ton neft (kondensatla birlikdə), təxminən 160,7 milyard kubmetrə yaxın qaz ixraca nəql edilib.

Əvəz Həsənov