Bu ilin yanvar-mart aylarında Azərbaycan Dövlət Neft Fondu (ARDNF) Xəzər dənizinin Azərbaycan sektorunda yerləşən “Şahdəniz” yatağından 78,5 milyon ABŞ dolları həcmində gəlir əldə edib.

Bu barədə Valyuta.az-a Fonddan məlumat verilib.

Bildirilir ki, bu, 2023-cü ilin I rübü ilə müqayisədə 567,859 milyon ABŞ dolları və ya 8,2 dəfə azdır.

Bu ilin ilk rübündə Neft Fonduna daxil olan vəsaitlərin 15,7 milyon ABŞ dolları kondensatın payına düşüb. Bu da ötən ilin eyni dövrü ilə müqayisədə 112,466 milyon ABŞ dolları və ya 8,16 dəfə azdır.