Nominal qiyməti 1000 dollar, tədavül müddəti 5 il, illik gəlirliliyi 5 faiz olan və faizləri rüblük qrafiklərlə ödənilən SOCAR istiqrazlarının 1 milyon 250 min dollarlıq növbəti faiz ödənişi aprelin 19-da istiqraz sahiblərinin hesablarına köçürüləcək (17 aprel tarixi qeyri–iş gününə təsadüf etdiyindən, buraxılış şərtlərinə əsasən, növbəti ilk iş günü).

Valyuta.az “SOCAR Capital” şirkətinən istinadən xəbər verir ki, 4 ildən artıqdır yerli fond bazarında ən çox müraciət olunan qiymətli kağıza çevrilmiş SOCAR istiqrazları 2021-ci ilin ikinci, ümumilikdə isə,18-ci faiz ödənişi nəticəsində sahiblərinə növbəti dəfə 1,25 milyon dollarlıq gəlir gətirəcək. Bununla da, istiqraz sahiblərinin ümumi qazancı 22 milyon 500 min dollara yüksəlmiş olacaq (toplamda 25 milyon dollar.)

Təkrar bazar əməliyyatları həcminin 200 milyon dollara çatması, bağlanmış əqd sayının 2 min 400–ü ötməsi və Bakı Fond Birjasında ən çox tədavül olunan korporativ maliyyə alətinə çevrilməsi SOCAR istiqrazlarına olan yüksək tələbatın göstəricilərindəndir.

1 və 5 saylı “ASAN xidmət” mərkəzlərindən də əldə edilməsi mümkün olan SOCAR istiqrazlarının 2021-ci ilin ilk rübü üzrə ölkənin korporativ istiqraz bazarındakı payı 62 faiz təşkil edib.

SOCAR istiqrazlarının növbəti kupon ödənişi cari il iyulun 17-i tarixində baş tutacaq. *1999 Çağrı nömrəsi daim investorların xidmətindədir.