Avropalı turistlərin ölkəmizə az gəlməsinin səbəbləri
Dövlət Statistika Komitəsinin yaydığı məlumata görə, bu ilin yanvar-fevral aylarında Azərbaycana 167 ölkədən 341 min nəfər və yaxud ötən ilin eyni dövrü ilə müqayisədə 46,7 % çox əcnəbi və vətəndaşlığı olmayan şəxs gəlib.
Məlumata görə, gələnlərin 26,8 %-i Rusiya, 19,9 %-i Türkiyə, 9,8 %-i İran, 6,9 %-i Hindistan, 4,8 %-i Gürcüstan, 3,4 %-i Səudiyyə Ərəbistanı, hər birindən 2,7 %-i olmaqla Birləşmiş Ərəb Əmirlikləri (BƏƏ), Qazaxıstan və Pakistan, 2,1 %-i Küveyt, 1,8 %-i Özbəkistan, 1,5 %-i Türkmənistan, hər birindən 1,3 % olmaqla Oman və Ukrayna, 1,1 %-i Belarus vətəndaşları təşkil edib.
Bu açıqlamadan göründüyü kimi, artıq neçə ildir ki, Azərbaycana gələn turistlər arasında bu sahəyə daha çox önəm verən avropalı turistlər azlıq təşkil edirlər.
Valyuta.az-a açıqlamasında İqtisadi və Sosial İnkişaf Mərkəzinin rəhbəri Rəşad Həsənov Azərbaycana gələn avropalı turistlərin az olmasının səbəbini onların nisbətən aşağı xərcli turizm sahələrinə meylli olmaları ilə əlaqələndirdi:
“Hər bir bölgənin öz spesifik xüsusiyyətləri var. Avropalı turistlər daha çox təbiət turizmilə yanaşı büdcə turizmi deyilən nisbətən aşağı xərcli turizm sahəsinə daha çox meylli olur. Başqa bir məsələ viza və hava nəqliyyatına əlçatanlıq məsələsidir. Avropadan olan turistlər asan səyahət edilən nominasiyalara üstünlük verir. Onlar mədəni-tarixi zənginliyə xüsusi diqqət yetirirlər. Avropalı turist nəqliyyat istiqamətində xərcə o qədər də çox meylli deyil.
Xərclərini daha çox gecələmə, iaşə xidmətləri, mədəni tədbirlərə yönəldirlər. Deməli, hava nəqliyyatı sahəsində əlçatanlığı artırmalıyıq ki, avropalı turistlərin ölkəmizə daha çox axınına nail olunsun”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay