Balçılığın inkişafına mane olan səbəblər - Ekspert şərhi
“Balçılığın inkişaf etməməsinin əsas səbəbi yem bazasının zəif olmasıdır”.
Bunu Valyuta.az-a açıqlamasında iqtisadçı ekspert Vahid Məhərrəmli deyib. O, bildirib ki, bal istehsalının az olmasını hava şəraiti ilə əlaqələndirirlər:
“Necə olur qonşu ölkələrdə - İran, Türkiyə, Rusiyada bal istehsalı yüksəkdir, amma bizə gələndə zəif? Rusiya Azərbaycanın bal bazarını ələ keçirib, ildə iki dəfə yarmarka keçirib, ucuz qiymətə bal satır. Qonşu İranda balın satış qiyməti bizə nisbətdə 5 dəfə ucuzdur. Türkiyədə isə 30% ucuzdur. Niyə?”.
Vahid Məhərrəmli bu sahənin inkişafının möhkəm yem bazasından keçdiyini qeyd edib:
“Bunun üçün bitkiçiliyi inkişaf etdirmək lazımdır. Arı balı havadan deyil, bitkidən alır. O bitkilər ki, arı balı həmin bitkinin çiçəyindən alır. Belə olan halda möhkəm yem bazası olacaq. Arılar xəstəliyə tutulmayacaq, uzaq məsafəyə uçmayacaq, məhsuldarlıq çox olacaq. Bundan sonra məhsulun maya dəyəri də aşağı düşəcək. Bütün bunlar olarsa, Azərbaycanda balın qiyməti enəcək”.
Ekspert Azərbaycanda bu sahə ilə məşğul olan fermerlərin əziyyət çəkdiyini vurğulayıb:
“Fermerlər mövsüm boyu bir neçə dəfə yerini dəyişir. Bu rayondan o rayona, o rayondan bu dağa arı ailələrini daşıyırlar. Sonda yaxşı nəticə götürmürlər. Bu da onların xərclərini artırır, məhsuldarlıq aşağı düşür. Arı xəstələnir və zərərvericilər də asanlıqla onları məhv edir”.
Qeyd edək ki, statistik məlumatlara görə, 2023-cü ildə arı ailələrinin sayı 9,0 faiz, bal istehsalı 38,9 faiz, mum istehsalı 0,8 faiz, vərəmum istehsalı 22,0 faiz, güləm istehsalı 62,0 faiz, arı südü istehsalı 25,9 faiz, arıçılıqla məşğul olan təsərrüfatların hər birinə orta hesabla düşən arı ailələrinin sayı isə 2,5 faiz azalıb.
Aylin
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay