Bildiyimiz kimi ali təhsil müəssisələrinin qiyabi şöbələrində oxuyan işçilərə təhsil məzuniyyyəti verilir. Şirkətlərin təhsil məzuniyyəti verməsi, işə qəbul zamanı təhsil aldığını və təhsil məzuniyyətinə çıxacağını bildirməsi, işlədiyi müddətdə təhsil almağa başlayırsa, bu zaman şirkətə məlumat verməsi haqqında təhsil eksperti Elçin Əfəndi ilə danışdıq.

Elçin Əfəndi Valyuta.az-a bidlirdi ki, təhsil alan hər bir şəxsə çalışdığı müəssisədə məzuniyyət verilməsi əmək qanunvericiliyinə əsasən tənzimlənir: “Şirkətlər əmək qanunvericiliyi ilə əmək məzuniyyəti verməlidirlər. Əgər işçi işə qəbul zamanı təhsil aldığını bildirməzsə, bəzi hallarda xüsusi olaraq özəl müəssisələr və şirkətlər əməkdaşın əmək müqaviləsinə xitam verilə bilər”.

Ekspert qeyd edib ki, işlədiyi dövr ərzində təhsilini davam etdirmək istəyən şəxs bu zaman çalışdığı müəssisə rəhbərliyinə təhsil məzuniyyətinin verilməsi ilə bağlı müraciət edir. Həmin müəssisə rəhbəri qanunvericiliyin tələblərinə uyğun müvafiq dövr ərzində təhsil məzuniyyəti və ya digər məzuniyyət növünü seçərək həmin işçiyə müddət verə bilər:

“Əmək qanunvericiliyinə müvafiq olaraq bəzi hallar var ki, şəxsin harada çalışması, hansı vəziyyətdə çalışması və s. kimi xüsusi müddəalar var və bunun əsasında konkret qərar verilir. İşlədiyi müddət ərzində təhsil almağa başlayan şəxsin aldığı təhsil onun gördüyü işə lazımdırsa, bu zaman müəssisə rəhbəriliyi tərəfindən şərait yaradılır. Əgər, təhsil alması həmin şəxsin iş mühitini pozursa, məsuldarlığı aşağı salırsa, bu zaman artıq qarşılıqlı anlaşma əsasında həmin işçinin əmək müqaviləsinə xitam verilə bilər. Bu məsələdə həm işçini, həm də rəhbərliyi düşünmək əmək qanunvericiliyinin tələblərinə uyğun olaraq tənzimlənməsi daha məqsədəuyğundur”.

Əvəz Həsənov