Pandemiyadan başlayaraq Azərbaycan təhsil sisteminə yeni anlayış daxil oldu. Bu onlayn təhsil sistemi idi. Həmin dövürdə məktəblərdə, universitetlərdə, özəl hazırlıq kurslarında tədris onlayn formada aparılmağa başladı. 

Ənənəvi təhsil yenidən bərpa olunandan sonra da bu tədris forması hələ də qalır. 

Bəzi hazırlıq kursları, repititorlar öz tədris etdikləri dərsi hazırda onlayn formada da təklif edir. 

Bəs nədir onlayn təhsil, bu təhsil ənənəvi təhsil qədər effektli ola bilirmi?

Valyuta.az məsələni təhsil eksperti Qoşqar Məhərrəmovla müzakirə edib.

Qoşqar Məhhərəmov deyib ki, onlayn təhsil ənənəvi təhsili əvəz edə bilməz, sadəcə dəstəkləyə bilər:

“Müstəqil təhsil sistemi olduğuna görə o olmasın, bu təhsil olsun demək doğru deyil. Belə ki, daxili motivasiyası yüksək, öyrənmək istəyən, ancaq şəhərlərdən uzaq, imkanı olmayan, hansısa bir xüsusi məhdudiyyəti olan insanlar onlayn təhsillə ənənəvi təhsil qədər öyrənə bilər. Onlayn təhsil bu hallarda ənənəvi təhsilin yerini tuta bilər. Yəni onlayn təhsil daxili motivasiyası olan insanlar üçün ənənəvi təhsilin yerini tuta bilər. 

Amma ümumi baxımdan onlayn təhsil və ənənəvi təhsil ayrı-ayrı anlayışlardı. Birinin yerinə digəri olsun anlayışı, yanaşması doğru deyil”. 

Ekspert deyir ki, bundan təhsildə yeni tərs çevirilmiş öyrənmə anlayışı var:

“Tərs çevrilmiş öyrənmə (flipped learning) anlayışında isə onlayn təhsil resurslarından istifadə edərək tədrisin məzmunu şagirdlərə və tələbələrə çatdırılır, onlara çoxlu videolar, onlayn resurslar göndərilir, əyani təhsillə isə daha çox müzakirələr aparılır, dioloqlara girilir. Hansısa təcrübi elmlərdə, təbiət fənlərində təcrübələr aparılır. Yəni əyani təhsillə onlayn təhsil asinxron və ya sinxron şəkildə bir-birini dəstəkləyici formada təqdim oluna bilir. Buna da hibrid təhsil deyirlər. Təcrübəmdən yola çıxaraq rahatlıqla deyə bilərəm ki, tədrisin hibrid olması isə daha arzuolunandı, daha yaxşı nəticələr verir”. 

Davud