Tələbələr üçün verilən kreditlərin şərtləri ağırdır.

Bunu Valyuta.az-a açıqlamasında təhsil eksperti Məzahir Məmmədli deyib. Onun sözlərinə görə, kredit alan tələbənin tədrisə davamiyyəti nümunəvi olmalıdır:

“Kredit almaq üçün tələbənin üçün ümumi bal göstəriciləri 71-in üzərində olmalıdır. Kasıb balaları üçün isə 71-in üzərində oxumaq çətindir. Nazirlər Kabinetinin xüsusi sərəncamından irəli gələn bir qayda var. Həmin qaydaya görə normativ müəyyən ediblər. Kredit alan tələbənin göstəriciləri 71-in üzərində olmalıdır. Orta səviyyədən yuxarı normativ göstərən tələbə olmalıdır ki, sözü gedən kreditdən yararlana bilsin”.

Məzahir Məmmədli qeyd edib ki, kredit almaq üçün ən çox sosial yönümlü tələbələr müraciət edir:

“Çünki bu bir qədər asandır. Düzdür, burada da şərtlər var, həmin tələbələr yaxşı oxumalı, davranışı nümunəvi olmalı, davamiyyətində problem olmamlıdır. Bu kredit üzun müddətə verilir. Bir də bu kreditin qaytarılması məsələsi var. Tələbə yaxşı oxumursa gələcəkdə kreditin qaytarılması prosesində çətinliklər yaşana bilər”.

Qeyd edək ki, bu günədək ümumilikdə 25 696 tələbənin müraciəti rəsmiləşdirilib. Kredit ayrılmış 9 301 nəfər sosial, 16 395 nəfər isə standart TTK-dan yararlanıb.

Aylin