\"İbtidai siniflərində istifadə olunan kitablarla hətta universitet diplomu belə almaq mümkündür\" – Təhsil eksperti
Valideynlər hələ də orta məktəblərdə uşaqlarının dərs proqramlarının ağır olmasından şikayət edirlər. Bu məsələ uzun illərdir ki, müzakirə olunsa da, hələ də öz həllini tapmayıb. Yenə də uşaqlar, xüsusən də ibtidai sinif şagirləri, dərs yükünün ağırlığından əziyyət çəkməkdə davam edirlər.
Görəsən, problemdən çıxış yolu nədir?
Valyuta.az-a açıqlamasında təhsil eksperti Kamran Əsədov bildirir ki, Azərbaycan orta məktəblərinin ibtidai siniflərində istifadə olunan kitablarla hətta universitet diplomu belə almaq mümkündür:
“Məsələnin mahiyyəti ondan ibarətdir ki, hələ də uşaqlara nəyi öyrətməli olduğumuzu bilmirik. Uşaqlara hər informasiyanı veririk. Amma verdiyimiz informasiyanın onlara nə qədər lazım olduğunu bilmirik. Vətəndaşı mövcud dərsliklərlə hazırlamaq mümkün deyil Çünki hazırda istifadə olunan dərsliklər şagirdlərin yaş xüsusiyyəti və psixologiyasına uyğun deyil. Dərsliklər daha çox akademik bilikləri əks etdirir. İnformasiya yükü kifayət qədər çox olduğundan, şagirdlər onu təkbaşına anlaya bilmir. Üçüncü, dördüncü sinif tapşırıqları əvvəlki illərin yeddinci, səkkizinci sinif səviyyəsində olan informasiyalardır”.
Problemin ilk səbəbi həmsöhbətimizə görə, dərslik yazan müəlliflərin orta məktəbdə işləməməsi, onlarla əlaqəli olmamasından qaynaqlanır:
“Həmçinin, yaranmış vəziyyət dərslikləri yoxlayan ekspertlərin orta məktəb proqramları ilə dərindən məlumatlı olmamasından irəli gəlir. Müəllim hazırlığı da da zəifdir.
Pedoqoji kadrlar dərslikləri mənimsəyə bilmir. 3-4 ildən bir dərsliklər dəyişir. Halbuki uzun müddətli istifadə olunmalıdır”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay