"Təəssüflər olsun ki, banklar özlərindən asılı olan şirkətləri formalaşdırır. Bu gün bir çox bankların müraciət etdiyi qiymətləndirmə şirkətləri ilə əməkdaşlıq müqaviləsi var. Onlar hər hansı müstəqil qiymət deyil, bankın diqtə etdiyi qiyməti qoymalı olurlar".

Bunu Valyuta.az-a açıqlamasında əmlak eksperti Ramil Qasımzadə vətəndaşlar evlərini girov qoyub banklardan pul götürərkən onların əmlaklarının 30-40% ucuz qiymətləndirilməsindən danışarkən deyib. Ekspert bunu düzgün hal olmadığını vurğulayıb:

“Məhkəmələrdə bu kimi çoxlu proseslər var. Tutaq ki, bank girov götürən zaman mənzil qiymətindən an azı 30-40% aşağı qiymətləndirilir. Bəzən görürsən vətəndaşlarda da günah olur. Onlar müqaviləni imzalayanda diqqət eləmirlər, amma nəticədə krediti ödəyə bilməyəndə bank məhkəməyə müraciət edir. Orada məlum olur ki, bunu evi çox cüzi qiymətlə qiymətləndirilib. Bu zaman haqlı olaraq vətəndaş məhkəmədən əmlakının yenidən qiymətləndirilməsini tələb edə bilər. Peşəkar hakimlər bu zaman bankda müqavilədə göstərilən evin qiymətləndirilməsi ilə bağlı qiyməti deyil, əlavə müstəqil qüymətləndiriciyə müraciət edir. Əmlakın yenidən real qiymətləndirilməsi həyata keçirilir”.

Ramil Qasımzadə təklif edib ki, yaxşı olar banklar qiymətləndirmə apararkən müstəqil qiymətləndiriciyə müraciət eləsin:

“Bir sıra qiymətləndirmə şirkətləri peşəkar deyillər. Bu sahədə çoxlu boşluqlar var. İnanıram ki, qiymətləndirmə haqqında qanuna, xüsusi ilə də qiymətləndiricilərə lisenziyalaşdırılması bu kimi hallara son qoyacaq”.

Aylin