“Bu gün repetitorların təyin etdiyi qiymətlər çox yüksəkdir”.

Bunu Valyuta.az-a açıqlamasında təhsil eksperti Elçin Əfəndi deyib. Ekspert hazırda bəzi fənlərin repetitorlar tərəfindən 200 manata tədris edildiyini açıqlayıb:

“Elə repetitorlar var ki, bir uşağa dərs keçir, amma 10 şagirdin pulunu alır, məsələn 800-1000 manat. Hazırda vəziyyət olduqca acınacaqlıdır. Ailələr bu pulu ödəyə bilmir, valideynlər əziyyət çəkir”.  

Elçin Əfəndi qəbul imtahanlarının formatının dəyişilməsinin vacibliyini vurğulayıb:

"Abituriyentlər ən azı 1, yaxud da 3 fənn üzrə imtahan verməlidirlər. Hər hansı bir dəyişiklik olmadığı halda niyə qiymətlər qalxmalıdır? Müəllim dərsin gedişində şagirdə bal-qaymaq yedizdirmir ki, onun da pulun alsın. Qiymət niyə artmalıdır? Un deyil ki, deyək Rusiya taxılın qarşısını kəsib, müəllim də şagirdi yedizdirə bilmir. Yaxud da dolların qiyməti manata nisbətən bahalaşıb, müəllim də bütün kitabları öz cibindən alırmış. Bu səbəbdən də repetitorlar qiyməti qaldırır”.

Ekspertin fikirincə, repetitorlar ancaq maddi imkanlarını yaxşılaşdırmaq, vəziyyətlərini düzətmək üçün təhsil haqlarını artırırlar.

Aylin