Dollar məzənnəsində ötən ildən bəri ən ciddi azalma qeydə alınıb. Bildirilir ki, dolların indeksi 2 faizə qədər azalıb. Bu barədə “Bloomberg” nəşrinin araşdırmasında qeyd olunub. 

Analitiklərin fikrincə, önümüzdəki aylarda dollar zəif olaraq qalacaq ki, bu da dünya iqtisadiyyatı üçün ciddi nəticələr doğuracaq.

Maliyyə-bank eksperti Əkrəm Həsənov Valyuta.az-a açıqlamasında bildirib ki, dolların ucuzlaşması bəzi ölkələrin ABŞ banklarına pul yatırmaqdan çəkinməsilə bağlıdır:

“Dollar avro və digər valyutalara nisbətdə az miqdarda ucuzlaşıb. Amma son 20 ildə belə hallar tez-tez olur. Yəni dollar gah azalır, gah da qalxır. Bu elə də ciddi hadisə deyil. Bəzən dəqiq də demək olmur ki, dollar ucuzlaşıb, yoxsa avro bahalaşıb. Amerika iqtisadiyyatı müəyyən qədər zəifləyib, dolların düşməsinə bu amil də təsir edib. Hazırda Ukrayna müharibəsilə əlaqədar dünyada qeyri-sabitlik hökm sürür. Belə vəziyyətdə bəzi ölkələr Amerika banklarına pul yatırmaqdan çəkinir. Onlar öz pullarını Avropa və Çin banklarına yatırırlar. Bu amil də dolların məzənnəsinə müəyyən qədər təsir edir. Bu prosesin manata təsiri əvvəlki tək olmayacaq. Manat onsuz da dollara bağlanıb. Dollar dünyada bahalaşanda manat da bahalaşır. Amma dollar ucuzlaşanda manat yerində qalır”.

Ramiz