Alimlər elektron tullantılardan qızıl çıxarmağın yeni və daha ucuz üsulunu tapdı
Alimlər elektron tullantılardan qızıl çıxarmaq üçün çox effektli üsul tapıb.
Valyuta.az xəbər verir ki, onların hazırladığı üsulla xərclənən hər bir dollar qarşılığında 50 dollar dəyərində qızıl əldə oluna biləcək. Alimlər davamlı və kommersiya baxımından əlverişli olduğunu irəli sürdükləri bu üsulla elektron tullantılardan qiymətli metalları çıxarmaq üçün pendir istehsalında istifadə edilən protein süngərlərindən yararlanıblar.
Tədqiqat zamanı elm adamları təxminən 20 köhnə kompüter anakartından 450 milliqram 22 əyara bərabər qızıl parçaları çıxarıb.
Bəs söhbət hansı üsuldan gedir? Qızılı əldə etmək üçün alimlər yüksək temperaturda zərdab zülallarının təbiətini dəyişdirərək zülal məhlulu yaradıb və süngər əldə etmək üçün bu şlamı qurudublar. Daha sonra 20 anakartdan metal parçaları çıxarıb, onları turşu vannasında həll ediblər və qızıl ionlarını cəlb etmək üçün məhlulun içinə zülal lifi süngəri yerləşdiriblər. Digər metal ionları da liflərə yapışıb. Amma qızıl ionları süngərə daha səmərəli şəkildə hopub. Elm adamları bundan sonra əldə etdikləri materialı qızdıraraq qızıl ionlarını lopaya, bu lopaları isə qızıl parçalarına çeviriblər.
Alimlər bu prosesdə "Advanced Materials" akademik jurnalında təsvir edilən metoddan yararlanıb. Araşdırmada külçənin 91 faizinin qızıl, qalan hissəsinin isə 22 əyara uyğun gələn mis olduğu bildirilib. Tədqiqatçılara görə, bütün proses üçün enerji və əlavə olunan mənbə materiallarının satınalma xərcləri, bərpa edilə bilən qızılın dəyərindən 50 dəfə azdır.
Tədqiqatın müəlliflərindən biri olan professor Raffaele Mezzenqa açıqlamasında, "Ən çox bəyəndiyim şey, elektron tullantılardan qızıl çıxarmaq üçün qida sənayesinin əlavə məhsulundan istifadə etməyimizdir... Bundan daha davamlı heç nə yoxdur" - sözlərini söyləyib.
Elmir
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay