"Apple"ın "iPhone" qadağasını ləğv etmək üçün 1 milyard dollarlıq təklifi İndoneziya tərəfindən rədd edilib.

Valyuta.Az xəbər verir ki, İndoneziya höküməti, "Apple"ın "AirTag" fabriki qurma planının yerli investisiya tələblərinə uyğun olmadığını bildirərək, "Apple Inc." şirkətinin "iPhone 16" cihazlarının satışına qoyulan qadağanı davam etdirmək qərarına gəlib.  

Sənaye naziri Agus Qumivang Kartasasmita açıqlamasında bildirib ki, yerli istehsal qaydalarına əsasən, "Apple" mobil telefonlarını və ya onların komponentlərini İndoneziyada istehsal etməlidir. Nazir deyib: “"Apple" bizimlə razılığa gəlməlidir ki, sertifikat təqdim edək və bu şəkildə "iPhone 16"nı sata bilsinlər”. O, əlavə edib ki, "AirTag" sadəcə bir aksesuar hesab olunur.  

İnvestisiya naziri Rosan Roşlaniyə görə, "Apple" 2026-cı ilin əvvəlində İndoneziyada bir zavod qurmağı və istifadəçilərin baqajlarını, ev heyvanlarını və digər əşyalarını izləmək üçün istifadə edilən "AirTag" cihazlarının istehsalına başlamağı təklif edib. Şirkətin rəhbər şəxsləri isə "iPhone 16"ya qoyulan qadağanın ləğvi ilə bağlı danışıqlar aparmaq üçün Cakartada hökumətlə görüş keçirir.  

Rəhim