Qlobal meteoroloji El Nino fenomeni sona çatır və tezliklə, 2024-cü ilin mayında neytral faza başlayacaq. 

Valyuta.az xəbər verir ki, bunu Rusiyanın Hidrometeorologiya Mərkəzinin rəhbəri Roman Vilfand deyib.

"Aprelin sonu - mayın ortalarında neytral fazaya tədricən keçid olmalıdır. Bu, qlobal temperatur üçün çox vacibdir", deyə Vilfand bildirib.

O izah edib ki, El Nino fenomeni uzun müddət ərzində qlobal temperaturu artırır - bu dəfə ardıcıl səkkiz ay ərzində qlobal orta temperatur rekord həddə çatıb. 

"El Ninoya diqqət etmək vacibdir, çünki qlobal temperatur yüksəlir və o yüksəldikdə təhlükəli hadisələrin sayı artır, məsələn, tropik siklonlar meydana çıxır. Lakin bunun mülayim enliklərlə çox az əlaqəsi var", deyə Vilfand vurğulayıb.

Paşa Məmmədli