Qlobal təbii qazdan istifadə 2050-ci ilə qədər 26% artacaq. 

Valyuta.az xəbər verir ki, bu barədə TASS “Qazprom”un konsensus proqnozuna istinadən yazıb.

Bundan əlavə, AES-lərin istehsal etdiyi enerjinin istehlakının bu dövr ərzində 5%, hidroenergetikanın 3%, bərpa olunan enerji mənbələrinin isə 17% artacağı gözlənilir.

Eyni zamanda, 2025-ci ilə qədər neftdən istifadənin həcmi 24%, kömürdən isə 13% azalacaq.

“Qazprom” həmçinin karbon izini azaltmaq planlarından da danışıb. 2030-cu ilə qədər şirkət karbon qazı tullantılarını təxminən 60 milyon ton azaltmaq niyyətindədir. Bunun regionların qazlaşdırılması və qaz mühərriki yanacağından istifadənin genişləndirilməsi hesabına həyata keçirilməsi planlaşdırılır.

"Əsas enerji resurslarının qazla əvəz edilməsi ekoloji cəhətdən ən əhəmiyyətli və ən sürətli effekt verəcək", deyə "Qazprom" idarəsinin rəis müavini Aleksandr İşkov bildirib.

Paşa Məmmədli