Avropa İttifaqı Rusiyaya qarşı yeni sanksiyalar paketini müzakirə etməyə başlayıb. 

Valyuta.az xəbər verir ki, bu barədə "Bloomberg" yazıb.

Qəzetin yazdığına görə, Avropa İttifaqı üzvləri 13-cü sanksiyalar paketini fevralın 24-nə, Ukraynada müharibənin başlanmasının ikinci ildönümünə qədər təsdiq etmək istəyirlər.

Məqalə müəllifləri öz mənbələrinə istinadən yazır ki, Rusiya Federasiyasına qarşı yeni tədbirlərə yeni adlar siyahıları, əlavə ticarət məhdudiyyətləri və Moskvanın həm üçüncü ölkələr, həm də Aİ-dəki şirkətlər vasitəsilə blokun sanksiyalarından yan keçmək imkanlarının qarşısını almaq olar.

Nəşr həmçinin bildirib ki, Aİ-də Ukraynaya hərbi dəstək üçün yeni fondun yaradılması planları ilə bağlı müzakirələr gedir. Məqalə müəllifinin sözlərinə görə, Aİ-nin bəzi ölkələri bu fonddan maliyyələşmə mexanizmini yeniləmək üçün istifadə etmək istəyir.

Aİ Rusiyaya qarşı 12-ci sanksiyalar paketini 2023-cü il dekabrın 18-də təsdiqləyib. Məhdudiyyətlər Rusiya almazları, ikili istifadə texnologiyaları, mayeləşdirilmiş propan, mis və alüminium məftil ticarətinə təsir göstərib. Bir sıra təşkilatlara və şəxslərə qarşı da sanksiyalar tətbiq edilib.

Paşa Məmmədli