Moskvanın OPEC+ razılaşması çərçivəsində tədarükləri azaltmaq planlarına baxmayaraq, yanvar ayında Rusiyanın dəniz neft ixracı artıb. 

Valyuta.az xəbər verir ki, bunu "Bloomberg" tərəfindən izlənilən tanker trafiki məlumatları sübut edir.

Son 4 həftə ərzində Rusiya limanlarından gündə təxminən 3,43 milyon barel neft göndərilib. Bu, əvvəlki dövrlə müqayisədə 94 min barel çoxdur.

Rusiya birinci rübdə hasilatı 2023-cü ilin may-iyun ayları səviyyəsindən gündəlik 500 min barel azaltmağı öhdəsinə götürüb. Bunun 300 min bareli xam neft ixrac edilməlidir. Bununla belə, 4 həftəlik orta ixrac nisbəti hədəf səviyyəsindən cəmi 150 min barel aşağı olub.

Husilərin tankerləri atəşə tutmasına baxmayaraq, Asiyaya göndərilən bütün Rusiya "Urals" markalı yükləri Qırmızı dəniz vasitəsilə daşınmağa davam edir. Rusiya neftini daşıyan tankerlərin konkret hədəfə alınma ehtimalı olmasa da, səhvən hücuma məruz qalma riski var.

Belə ki, dekabr ayında "Urals" yüklərini daşıyan "Sai Baba" tankerinə hücum edilib. Və keçən həftə husilərin raketi Rusiya nefti daşıyan gəmidən 400-500 metr aralıda düşüb. Bundan əlavə, Rusiya hələ də "Sokol" neftini sata bilməyib - ümumi həcmi 11 milyon barel olan 16 yük tankerlərdə ilişib qalıb.

Yanvarın 14-də bitən həftədə Rusiya neftinin ixracının ümumi dəyəri bir həftə əvvəl 1,45 milyard dollardan 1,56 milyard dollara yüksəlib. 4 həftəlik ortalama da həftədə 1,55 milyard dollara yüksəlib.

Paşa Məmmədli