Estoniya hökuməti vahid Estoniya məktəbinə keçid zamanı ölkədə rus dilində təhsilin maliyyələşdirilməsini dayandırmağı planlaşdırır. 

Valyuta.az xəbər verir ki, bunu deputatların suallarını cavablandıran respublikanın baş naziri Kaya Kallas deyib.

Baş nazir xatırladıb ki, Estoniyanın rəsmi dili eston dilidir və hər bir vətəndaşın bu dildə təhsil almaq hüququ var.

Kaya Kallas əlavə edib ki, hökumət rusdilli təhsilə pul ayırmağı dayandırmaq və vahid eston dilində təhsilə keçmək niyyətindədir. O, belə təhsilə keçidin məqsədini ölkənin bütün sakinlərinin vahid informasiya məkanında olması zərurəti adlandırıb.

Baş nazir ölkənin iki təhsil sisteminin böyük problem yaratdığını, buna görə də o, uzun müddətdir dəyişikliklərin tərəfdarı olduğunu deyib.

2022-ci ilin dekabrında Estoniya Parlamenti “Əsas və orta məktəblər haqqında” qanuna və rusdilli məktəblərin tədrisin eston dilinə keçirilməsi ilə bağlı digər qanunlara dəyişikliklər qəbul edib.

Paşa Məmmədli