IDC beynəlxalq tədqiqat və konsaltinq şirkətinin ilkin məlumatlarına əsasən, 2010-cu ildən bəri ilk dəfə olaraq "Apple" 20,1% rekord bazar payı ilə smartfon satışı üzrə dünya lideri olub.

Valyuta.az xəbər verir ki, şirkət 2023-cü ildə smartfon bazarının 3,2% azalaraq 1,17 milyard ədədə düşməsinə baxmayaraq, satışlarını 234,6 milyon cihaza çatdıra bilib.

"Samsung" 2023-cü ildə smartfon satışlarına görə ikinci yerdədir. Şirkət bazara 226,6 milyon telefon tədarük edib. Cənubi Koreya istehsalçısının bazar payı ilin sonunda 19,4% təşkil edib.

İlk üçlüyü 145,9 milyon cihaz satışı və 12,5% bazar payı ilə "Xiaomi" qapayır.

İlk 5-liyə həmçinin OPPO (8,8%) və "Transsion" (8,1%) daxildir. Şirkətlər bazara müvafiq olaraq 103,1 milyon və 94,9 milyon cihaz tədarük edib.

Paşa Məmmədli