İran Yaxın Şərqdə münaqişəyə qarışarsa, "Brent" markalı neftin qiyməti bir barel üçün 100 dolları keçəcək. 

Valyuta.az xəbər  verir ki, bunu resurs və enerji bazarı üzrə müstəqil ekspert Vladimir Demidov lenta.ru-ya deyib.

O, aydınlaşdırıb ki, neftin qiymətinin artacağını proqnozlaşdırmaq çətindir, çünki yanacağın maya dəyəri tənliyində həm alıcılar, həm istehsalçılar, həm də bazar şəraitindən asılı olmayaraq yüksək mənfəətdə maraqlı olan treyderlər var. Demidov xatırladıb ki, 1973-cü ildə ərəb-İsrail münaqişəsi zamanı neftin qiyməti bir ay ərzində 1/3, İsrail və onun müttəfiqlərinə qarşı neft embarqosu elan edildikdən sonra isə 3 dəfə artıb.

"İsrail və Fələstin arasında münaqişə oktyabrın 7-də başlayıb, lakin o vaxtdan neftin qiymətləri enmə meylindədir (azalma mənfi 18%-ə çatıb). İndi münaqişədən əvvəlki qiymətlə indiki qiymət arasında mənfi 10% fərq var ki, bu da dünya neftinin 20%-ə qədərinin keçdiyi Hörmüz boğazını bağlamaq risklərinin yüksək olması səbəbindən məntiqsizdir", deyə ekspert qeyd edib.

Demidov əlavə edib ki, həm istehsalçılar, həm də alıcılar neftin qiymətinin yüksək olmasında maraqlı deyil, çünki birincilər kifayət qədər həcmdə sata bilməyəcək, ikincilər isə aşağı qiymətləri gözləyəcəklər.

Paşa Məmmədli