Rusiyadan Türkiyəyə dəniz yolu ilə neft tədarükü sutkada 444 min barelə yüksəlib. 

Valyuta.az xəbər verir ki, bu barədə “Kommersant” “Kpler” analitiklərinin məlumatlarına istinadən yazır.

Ekspertlərin hesablamalarına görə, 2023-cü ilin dekabrında Rusiya neftinin Türkiyəyə tədarük həcmi noyabr ayı ilə müqayisədə gündəlik 12 min barel artaraq 444 min barelə çatıb. Bu həcmin 70%-ə yaxını Türkiyənin Əliağa limanına göndərilib.

“Dekabr ayında Türkiyəyə bütün Urals tədarüklərinin təxminən 85%-i coğrafi cəhətdən yaxın Novorossiyskdən deyil, Rusiyanın Primorsk və Ust-Luqa Baltik limanlarından olan tankerlərdən gəlib”, - nəşr yazır.

İlkin məlumatlara görə, yanvarda Rusiya neftinin Türkiyəyə ixracı da sutkada 400 min bareli keçəcək. Bundan əlavə, Qırmızı dənizdə husilərlə bağlı problemlər fonunda Türkiyə neft ixracı üçün daha cəlbedici ölkəyə çevrilir.

Nicat