Ağ Evin Rusiyanın dondurulmuş təxminən 300 milyard dollarlıq aktivlərini ələ keçirməyə imkan verən qanun layihəsini dəstəkləməsi avropalı müttəfiqləri çətin vəziyyətə salıb, çünki orada təxminən 200 milyard dollar var.

Valyuta.az xəbər verir ki, bu barədə "Bloomberg" yazıb. 

Qeyd olunur ki, Rusiya Mərkəzi Bankının aktivlərinin müsadirəsi böyük hüquqi, iqtisadi və geosiyasi risklər daşıyır. Bu, müharibənin qarşısını almayacaq, lakin eyni zamanda bir çox başqa ölkələr bunu suveren toxunulmazlığın pozulması kimi qiymətləndirəcəklər. Bu, birdəfəlik cəza hərəkəti üçün presedent yarada, bir sıra ölkələr öz ehtiyatlarını Çində saxlamağa başlaya bilər.

"Aktivlərin müsadirəsi repressiya, təqlid və maliyyə parçalanması riskini artırır ki, bu da gələcəkdə Qərbin iqtisadi sanksiyaları alətlərini daha az təsirli edəcək. Bəziləri iddia edir ki, ABŞ dolları hələ də dominant valyuta olaraq qalacaq, çünki bu, götürməyə dəyər riskdir, lakin avropalılar xərclərin əsas yükünü çəkməkdən qorxurlar", deyə agentlik yazıb.

Məqalədə bildirilir ki, avronun beynəlxalq hesablaşmalarda payı artıq azalır və maliyyə mərkəzi kimi Parisin rəqabət qabiliyyəti suveren toxunulmazlığın qorunması ilə bağlıdır. ECFR analitik mərkəzinin nümayəndəsi Aqata Demare görə, bunun əvəzinə G7-yə daxil olmayan ölkələr öz ehtiyatlarını Çində saxlaya bilərlər.

Jurnalistlər əlavə edirlər ki, ABŞ daha az ağrılı addımlara diqqət yetirməlidir - depozitarlarda bloklanmış Rusiya aktivlərindən, o cümlədən 200 milyard avrodan çox pulu olan Belçikanın "Euroclear" şirkətindən əldə edilən gəlirlərin vergiyə cəlb edilməsi. Keçən ay Avropa İttifaqı növbəti dörd il ərzində 15 milyard avroya qədər qazanc əldə edə biləcək bu cür gəlirlərə vergi tətbiq etmək üçün ilk addımları müəyyən etməyə başlayıb.

Bununla belə, "Euroclear" maliyyə bazarında fundamental oyunçudur və siyasiləşmə əks tədbirlər riskinə səbəb ola bilər. Beləliklə, hüquqi mübahisələr və xərclər olacaq.

"Bununla belə, gözlənilməz gəlir diqqətəlayiqdir və onun vergiyə cəlb edilməsi Ukraynaya vergi ödəyicilərinin dəstəyini kompensasiya edəcək qiymətli milyardlar yarada bilər", deyə "Bloomberg" yekunlaşıdırıb.

Paşa Məmmədli